ஜோகூர் மாநில இடைநிலைப்பள்ளித் தமிழாசிரியர் கழகம் PERSATUAN GURU-GURU TAMIL SMK NEGERI JOHOR

பி.எம்.ஆர். முன்னோட்டத் தேர்வுத் தொகுப்பு 2005-2009 (ஜோகூர்)

2010-08-07T10:19:00.000-07:00

அன்புக்குரிய ஆசிரியப் பெருந்தகைகளுக்கு,
நமது ஜோகூர் மாநிலத்தின் கடந்த 5 ஆண்டுகளாக நடத்தப்பெற்ற பி.எம்.ஆர். முன்னோட்டத் தேர்வுத் தாட்களின் தொகுப்பு அடியேனால் தொகுக்கப்பட்டுள்ளது (KOLEKSI KERTAS SOALAN PEPERIKSAAN PERCUBAAN PMR NEGERI JOHOR 2005-2009). PDF அமைப்பில் உள்ள இத்தொகுப்பினைப் (இலவசம்) பெறவிரும்பும் ஆசிரியர்கள் தங்களின் மின்னஞ்சல் முகவரியினை thamilvanan@yahoo.com எனும் எனது முகவரிக்கு அனுப்பி வைக்கவும். (நாடு முழுவது உள்ள ஆசிரியப் பெருந்த்தகைகளும் தொடர்பு கொள்ளவும்.)
நன்றி.

PMR தேர்வு வழிகாட்டிக் கருத்தரங்கு

2010-08-07T10:03:00.000-07:00

வணக்கம்.
இவ்வாண்டின் பி.எம்.ஆர். தேர்வு வழிகாட்டிக் கருத்தரங்கு கீழ்க்கண்ட விவரப்படி நடைபெரும் என்பதை மகிழ்வுடன் தெரிவித்துக் கொள்கின்றோம்.
நாள் : 29.08.2010 (ஞாயிற்றுக்கிழமை)
நேரம் : காலை 8.00 முதல் மாலை 5.00 வரை
இடம் : DK8, N24, UTM, SKUDAI
கட்டணம் : RM30.00 மட்டும்
தொடர்புக்கு : திரு. ந.தமிழ்வாணன் 012-7116058
திரு. கு. பூபதி 012-7727841
திரு. ப. சரவணன் 012 7347953
திரு. சு. இரவிச்சந்திரன் 013 7689379

ஜோகூர் பாரு, பாசீர் கூடாங்கு, கூலாய் மாவட்ட அன்புக்குரிய ஆசிரியப் பெருமக்கள் இந்நற்செய்தியை மாணவர்களுக்குத் தெரிவித்து, அவர்களை இக்கருத்தரங்கில் கலந்து கொள்ள ஊக்கப்படுத்துமாறு வேண்டுகிறோம்.

தேர்வுக் கேள்விகள்

2010-02-27T09:23:00.000-08:00

புகுமுக வகுப்பு முதல் படிவம் 5 வரை உள்ள தமிழ் மொழித் தேர்வுக்கான கேள்விகள் அடியேனின் மற்றொரு பதிவான கூகிள் செய்திக் குழுமத்தில் இடம் பெற்றுள்ளன.

இங்கே சொடுக்கவும்.
http://groups.google.com/group/persatuan-guru-tamil-sekolah-menengah-johor?hl=ta&pli=1

நன்றி.

மீண்டு (மீண்டும்) வந்துவிட்டேன்

2010-02-27T09:05:00.000-08:00

இனிய ஆசிரியப் பெருந்தகைகளுக்கு,
வணக்கம்.
சிலகாலம் பள்ளிப் பணிச்சுமையின் காரணமாக வலைப்பூ பக்கமே தலை வைத்துப் படுக்காத தலை இப்பொழுது மீண்டும் மீண்டு வந்து விட்டேன்.
இனி இந்தப் பயணம் தொடரும்.

இதன் தொடக்கமாக அடுத்த நமது தொல்காப்பிய வகுப்பு 4 கீழ்க்காணும் விவரப்படி நடைபெறும் என்பதை மகிழ்வுடன் தெரிவித்துக் கொள்கிறோம்.

நாள் : 7 மார்ச்சு 2010 (ஞாயிற்றுக்கிழமை)
நேரம் : காலை 8.30 முதல் 4.00 வரை
இடம் : ஸ்கூடாய் இடைநிலைப்பள்ளி, தாமான் ஸ்ரீ ஸ்கூடாய்.
(SMK SKUDAI, TAMAN SRI SKUDAI, 81300 SKUDAI, JOHOR.

மறவாமல், தவறாமல் கலந்து கொள்ளவும்.
வாழ்க வளமுடன். நன்றி.

தமிழின மீட்பாளர், மாவீரர் பழ. நெடுமாறன்

2009-09-16T06:15:00.000-07:00

வணக்கம்.

இப்புவியில் மனிதன் தோன்றிய காலந்தொட்டு தமிழனின் வீரமும் தியாகமும் எண்ணிப்பார்க்கையில் நம்மினத்தின் பெருமையும் புகழும் நன்கு புலப்படும். அதன் நிகழ்காலச் சான்றுகளாக நம் கண்முன்னே இன்றும் இருப்பவர்களில் தமிழினத்தின் தன்னிகரில்லாத் தலைவர், என் அண்ணன் மாவீரன் பிரபாகரன் ஒருவர் மட்டுமே. அவரது தியாகத்தையும் மேலும் பல உண்மைகளையும் உலகுக்கு உணர்த்த வேண்டி மலைநாடு வந்துள்ள ஐயா பழ. நெடுமாறன் அவர்களைக் காணும் பெரும்பாக்கியம் கிட்டியது.

அதன் இலத்திரன் படங்கள் இவை.

முதலாம் ஆண்டுப் பொதுக்கூட்டம்

2009-09-14T10:48:00.000-07:00

வணக்கம்.

நமது கழகத்தின் முதலாம் ஆண்டுப் பொதுக்கூட்டம் கடந்த 12 செப்டம்பர் 2009, சனிக்கிழமை குளுவாங் அறிவியல் இடைநிலைப்பள்ளியில் நடைபெற்றது.

அதன் இலத்திரன் படங்கள் இவை.

நன்றி.

பி.எம்.ஆர். கல்விக் கருத்தரங்கம்

2009-09-10T10:18:00.000-07:00

வணக்கம்.

நமது கழகத்தின் அடுத்த நடவடிக்கையாக PMR கல்விக்கருத்தரங்கம் பின்வரும் விவரப்படி நடைபெற உள்ளது என்பதை மகிழ்வுடன் தெரிவித்துக்கொள்கிறோம்.

நாள் : 19.09.2009 (சனிக்க்கிழமை)
நேரம் : காலை 8.00 முதல் மாலை 5.00 வரை
இடம் : DK N24, மலேசியத் தொழில்நுட்பப் பல்கலைக்கழகம், ஸ்கூடாய் வளாகம். (DEWAN KULIAH N24, UTM, KAMPUS SKUDAI)
பாடங்கள் : மலாய் மொழி, ஆங்கில மொழி, தமிழ் மொழி, கணிதம், அறிவியல் (5 பாடங்கள்)
காலைச் சிற்றுண்டி , மதிய உணவு, மாலைத் தேனீர் உட்பட.
கட்டணம் : ரி.ம. 25 மட்டுமே

ஆசிரியப் பெருமக்கள் இவ்வாய்ப்ப்பினைப் பயன்படுத்திக் கொண்டு தவறாது மாணவர்களைக் கலந்து கொள்ள ஊக்கப்படுத்துவதோடு அவர்கள் கலந்து கொள்வதை உறுதி செய்யுமாறு வேண்டுகிறோம்.

இக்கருத்தரங்கில் தேர்வு அணுகுமுறை, மாணவர்கள் பொதுவாகச் செய்யும் தவறுகள், இவ்வாண்டுக்கான முக்கியத் தலைப்புகள் ஆகியவை அனுபவமிக்க ஆசிரியர்களால் போதிக்கப்படும்.

மேலதிகத் தொடர்புக்கு :
திரு.ந.தமிழ்வாணன் - 0127116058
திரு. ப.சரவணநாதன் - 012-7347953
திரு. சு. இரவிச்சந்திரன் - 013-7689379
நன்றி.

செயற்குழுக் கூட்டம் 2

2009-09-10T10:10:00.000-07:00

வணக்கம். நமது கழகத்தின் 2 ஆம் செயற்குழுக்கூட்டம் கடந்த 06.09.2009 ஞாயிற்றுக்கிழமை ஸ்கூடாய், தாமான் நேசா மண்டபத்தில் நடைபெற்றது.

அதன் ஒளிப்படங்கள் இவை.

தொல்காப்பிய வகுப்பு 3

2009-08-26T08:46:00.000-07:00

ஆசிரியப் பெருந்தகைகளுக்கு,

வணக்கம்.

1) கழகத்தின் ஏற்பாட்டில் நடைபெற்று வரும் தொல்காப்பிய வகுப்பு 3 எதிர்வரும் 28, 29 செப்டம்பர் 2009 ஆகிய இரு தினங்களுக்கு மாநிலக் கல்வி இலாகாவின் ஒத்துழைப்போடு நடைபெறவிருப்பதை மகிழ்வுடன் தெரிவித்துக் கொள்கிறோம். அதன் விவரங்கள் பின்வருமாறு:

நாள் : 28, 29 செப்டம்பர் 2009
Tarikh : 28, 29 September 2009 (Isnin, Selasa)

இடம்: மாநிலக் கல்வித் தொழில்நுட்பப் பிரிவு,
ஸ்கூடாய்
Tempat: Bahagian Teknologi Pendidikan
Negeri, Taman Skudai Baru, Skudai, Johor

நேரம் : காலை 8.30 (28.09.2009) முதல்
பிற்பகல் 1.00 (29.09.2009) வரை
Masa : Bermula 8.30 pagi (28.09.2009)
hingga 1..00 tengahari (29.09.2009)

கடந்த வகுப்பில் ஐயா உயர்திரு சீனி நைனா முகம்மது அவர்கள் கேட்டுக்கொண்டதற்கிணங்க இவ்வகுப்பில் எளிய முறையிலான தேர்வு ஒன்று நடைபெற உள்ளது என்பதனையும் இங்கு நினைவூட்ட விரும்புகின்றோம். எனவே ஆசிரியர்கள் அனைவரும் தயார் நிலையில் வருமாறு அன்புடன் கேட்டுக்கொள்கின்றோம்.

தொல்காப்பிய வகுப்பு 1 , வகுப்பு 2 ஆகியவற்றின் ஒலிப்பதிவும் குறிப்புகளும் ஆசிரியர் திரு. தமிழ்வாணன் (0127116058) அவர்களைத் தொடர்புகொண்டு பெற்றுக்கொள்ளலாம். குறுவட்டின் (CD) விலை ரி.ம. 5 , அஞ்சல் செலவு ரி.ம. 2 மட்டும். வகுப்பு 2-இல் கலந்து கொள்ள இயலாதவர்கள் கண்டிப்பாகத் தொடர்பு கொள்ளுமாறு பணிவன்புடன் வேண்டுகின்றோம்.

நன்றி.

தொல்காப்பிய வகுப்பு 2 (09.08.2009)

2009-08-25T12:05:00.000-07:00

தொடர்ந்து தொல்காப்பிய வகுப்பு 2 கடந்த 09.08.2009 ( ஞாயிற்றுக்கிழமை) நடைபெற்றது. அதன் ஒளிப்படங்கள் இங்கே.

தொல்காப்பிய வகுப்பு 1 (29.6.2009)

2009-08-25T11:34:00.000-07:00

வகுப்பில் கலந்து பயன்பெற்ற ஆசிரியர்கள், மாணவர்கள், தமிழார்வலர்கள்

ஏற்பாடுக்குழுத்தலைவர் திரு. ஞா. வேதநாயகம், வகுப்பு நடத்துநர் மூதறிஞர், உங்கள் குரல் இதழாசிரியர் ஐயா உயர்திரு சீனி நைனா முகம்மது அவர்கள், ஜோகூர் மாநிலக் கல்வித்துறைத் துணை இயக்குநர் திரு. இரா.விஜயன் அவர்கள்

தலைமையுரை: கழகத்தின் தலைவர் திரு. ந.தமிழ்வாணன்

நமது கழகம் கடந்த 29.06.2009 திங்கட்கிழமையன்று (ஆட்சியாளர் நினைவுநாள் பொதுவிடுமுறை - Cuti Umum Hari HOL Negeri Johor) குளுவாங் மணிமண்டபத்தில் ஏற்பாடு செய்த தொல்காப்பிய வகுப்பில் மாநிலத்தின் இடைநிலைப்பள்ளி, ஆரம்பப்பள்ளி ஆசிரியர்கள், தமிழார்வாலர்கள் என 63 பேர் கலந்து பயன்பெற்றனர்.

கழகம் ஏற்பாடு செய்த தொல்காப்பிய வகுப்பு 1 , வகுப்பு 2 ஒளிப்படங்கள்

SPM இலக்கிய வழிகாட்டி நூல் வெளியீட்டு விழா

2009-08-04T05:21:00.000-07:00

SPM இலக்கியப் பாடம் வழிகாட்டிக் கருத்தரங்கில் கலந்து கொண்ட மாணவர்களும் ஆசிரியர்களும்

ஏற்பாடு : ஜோகூர் மாநில இலக்கியக் கழகமும் ஜோகூர் மாநிலத் தேசிய இடைநிலைப்பள்ளித் தமிழாசிரியர்கள் கழகமும்

'SPM இலக்கியப் பாடம் கருத்தரங்கோடு SPM இலக்கிய வழிகாட்டி நூல் வெளியீடு கண்ட நிகழ்வில் கான்வெண்ட் இடைநிலைப்பள்ளி மாணவிகள் படைத்த 'காவிய நாயகி' நாடகம்.

Pelajar-pelajar SMK Infant Jesus Convent, Johor Bahru

ஸ்கூடாய் வட்டார இடைநிலைப்பள்ளிகள் சார்பில் ஆசிரியர் திரு. கு. பூபதி

En. K. Poobathy, Ketua Panitia Bahasa Tamil , SMK Skudai.

ஜோகூர்பாரு மாவட்டத் தமிழ்மொழிப்பாடக்குழுத் தலைவர் குமாரி இரா.புஷ்பலதா அவர்கள் மாவட்டத்தின் சார்பில் நூல்களைப் பெறுகின்றார்.

Cik R.Pushpalatha (Guru Cemerlang) Setiausaha Panitia Bahasa Tamil Daerah Johor Bahru, SMK Sri Rahmat, Johor Bahru.

கவிதைப் படைப்பாளர் திரு.சு.இரவிச்சந்திரன், SMK TAMAN UNIVERSITI, SKUDAI

நாவல் படைப்பாளர் ஆசிரியர் தமிழ்மணி திரு மு.மதியழகன்,

SMK SULTAN IBRAHIM, KULAI, JOHOR

நூலாசிரியர் குமாரி புஷ்பவள்ளி சக்திவேல்.

SMK TAMAN SELESA JAYA, SKUDAI, JOHOR

தொழில் முனைவர், கொடை நெஞ்சர், தன்முனைப்புப் பேச்சாளர், இனிய பண்பாளர் உயர்திரு ஆதிசேஷன் அவர்கள்

உயர்திரு இரா.விஜயன் அவர்கள்,

தமிழ்ப்பிரிவு துணை இயக்குநர், ஜோகூர் மாநிலக் கல்வித்துறை,

EN. R.VIJAYAN, PENOLONG PENGARAH BAHASA TAMIL,

JABATAN PELAJARAN NEGERI JOHOR

நிகழ்ச்சி நெறியாளர் ஆசிரியர் திரு.சு.இரவிச்சந்திரன்,

SMK TAMAN UNIVERSITI, SKUDAI

வெளியீடு காணவிருக்கும் நூல் தயார் நிலையில்

வணக்கம். அண்மையில் நமது கழகம் SPM இலக்கிய வழிகாட்டி நூலினை வெளியிட்டது அனைவரும் அறிந்ததே. தொழில் முனைவர், கொடை நெஞ்சர், தன்முனைப்புப் பேச்சாளர், இனிய பண்பாளர் திரு. ஆதிசேஷன் அவர்கள் இந்நூலினை மிகவும் எளிய முறையில் நடந்தேறிய நிகழ்வில் வெளியீடு செய்தார். அதன் நிழற்படங்களை இங்கு காணலாம்.

மாண்புமிகு திரு. அசோஜன் அவர்களுடன் நடத்தப்பெற்ற சந்திப்புக்கூட்டம்

2009-05-24T05:44:00.000-07:00

கடந்தாண்டு நமது கழகம் மாண்புமிகு திரு. அசோஜன் அவர்களுடன் இனியதொரு சந்திப்புக் கூட்டத்தை மாநிலக் கல்வித்துறை தமிழ்ப்பிரிவு துணை இயக்குநர் திரு. M. விஜயன் அவர்களின் ஒத்துழைப்போடு மிகச் சிறப்பாக ஏற்பாடு செய்திருந்ததை உறுப்பினர்கள் அனைவரும் அறிவர். இந்நிகழ்வின் ஒளிப்படங்கள் இவை. நன்றி.

செயலவைக்கூட்டம் 1/2009 ஒளிப்படங்கள்

2009-05-24T05:31:00.000-07:00

நமது சங்கத்தின் இவ்வாண்டின் முதலாவது செயலவைக்கூட்டம் அண்மையில் ஜோகூர் பாருவில் நடைபெற்றது. அதன் ஒளிப்படங்கள் இதோ!

நமது சங்கத்தின் செயலவைக் கூட்டங்களின் ஒளிப்படங்கள்

2009-05-23T20:38:00.000-07:00

செயலவைக்கூட்டம் 3

செயலவைக்கூட்டம் 2

செயலவைக்கூட்டம் 1

கொடைநெஞ்சர் ,தன்முனைப்புப் பேச்சாளர், முனைவர் ஆதிசேஷன் அவர்களுக்கு நன்றி மலர்கள் சமர்ப்பணம்!

2009-05-16T10:48:00.000-07:00

நமது மன்றத்தின் வெளியீடான ஆசிரியை குமாரி புஷ்பவள்ளி அவர்கள் எழுதிய 'SPM தமிழ் இலக்கிய வழிகாட்டி நூல்' அண்மையில் மலேசியத் தொழில்நுட்பப் பல்கலைக் கழகத்தில் நடந்த SPM தமிழ் இலக்கிய கருத்தரங்கில் மிகச் சிறப்பாக வெளியீடு கண்டது. ஜோகூர் மாநிலக் கல்வித்துறை அதிகாரி , தமிழ் மொழித்துணை இயக்குநர் திரு. இரா. விஜயன் அவர்கள் முன்னிலை வகிக்க, கொடை நெஞ்சர், நாடறிந்த தன்முனைப்புப் பேச்சாளர் முனைவர் திரு. ஆதிசேஷன் அவர்கள் இந்நூலை வெளியீடு செய்தார்கள். இந்நூலை அச்சிட்டு வெளியிடுவதற்கான முழுச்செலவையும் ஏற்றுக்கொண்ட அன்னார் அவர்களின் அறப்பணிக்கும் நல்லெண்ணத்திற்கும் மன்றம் என்றென்றும் கடமைப்பட்டுள்ளது. மேலும் இந்நூல் சிறப்பான முறையில் வெளியீடு காண அரும்பாடு பட்ட ஜோகூர் மாநிலக் கல்வித்துறை அதிகாரி , தமிழ் மொழித்துணை இயக்குநர் திரு. இரா. விஜயன், தாமான் யூனிவர்சிட்டி இடைநிலைப்பள்ளி ஆசிரியர் திரு. சு. ரவிச்சந்திரன், ஸ்கூடாய் இடைநிலைப்பள்ளி ஆசிரியர் திரு. கு. பூபதி குப்புசாமி, கூலாய் சுல்தான் அப்துல் ஜாலில் இடைநிலைப்பள்ளி ஆசிரியர் தமிழ்மணி திரு. மு.மதியழகன், ஜோகூர் மாநில மாவட்டப் பாடக்குழுத் தலைவர்கள், ஜோகூர் மாநில இலக்கியப்பாட ஆசிரியர்கள் மற்றும் அனைத்து நல்லுள்ளங்களுக்கும் மன்றம் தனது நன்றி மலர்களைச் சமர்ப்பணம் செய்கின்றது.

2009-05-12T03:19:00.000-07:00

நமது சங்கத்தின் நடவடிக்கைகளுள் ஒன்றாக 'SPM தமிழ் இலக்கிய வழிகாட்டி' நூல் ஒன்று வெளியிடப்பட்டுள்ளது. ஆசிரியை குமாரி புஸ்பவள்ளி சக்திவேல் அவர்களின் அரிய முயற்சியால் படைக்கப்பட்டுள்ள இந்நூல் தற்பொழுது மாநிலம் முழுவதும் உள்ள இடைநிலைப்பள்ளிகளுக்கு அனுப்பப்பட்டுள்ளது. ஆசிரியப் பெருந்தகைகள் அனைவரும் மாணவர்களை வாங்குமாறு ஊக்கப்படுத்தி மன்றத்தின் நடவடிக்கைக்கு ஆதரவு நல்குமாறு வேண்டுகிறோம்.நன்றி.

2009-05-12T03:04:00.000-07:00

ஆசிரியர் தின வாழ்த்துகள்!

ஜோகூர் மாநிலக் கல்வித்துறை துணை இயக்குநர் திரு. இரா. விஜயன் அவர்களுக்கும் ஜோகூர் மாநில தேசிய இடைநிலைப்பள்ளி ஆசிரியப் பெருந்தகைகளுக்கு மன்றம் தனது ஆசிரியர் தின வாழ்த்துகளைப் பதிவு செய்து கொள்கிறது.

'ஆசிரியப் பணி அறப்பணி, அதற்கே உன்னை அற்பணி!'

ஜோகூர் மாநில தேசிய இடைநிலைப்பள்ளி தமிழாசிரியர் சங்கம் உதயம்

2009-05-12T02:58:00.000-07:00

ஜோகூர் மாநிலத்தில் இடைநிலைப்பள்ளி தமிழாசிரியர்களின் நலன் காக்க உதயமாகியுள்ளது ஜோகூர் மாநிலத்தில் இடைநிலைப்பள்ளி தமிழாசிரியர்கள் மன்றம். கடந்த ஜூலை 2008 அன்று பதிவு இலாகாவின் மூலம் அங்கீகரிக்கப்பட்ட இயக்கமாக உருப்பெற்றது இடைநிலைப்பள்ளி தமிழாசிரியர்களிடையே ஆர்வத்தையும் மகிழ்ச்சியையும் ஏற்படுத்தியுள்ளது.

இம்மண்ணில் தமிழ் மொழியும் தமிழ் இலக்கியமும் வாழ வேண்டும்; வளம் பெற வேண்ணும் என்று முழங்கும் தமிழாசிரியர்களுக்கு இச்சங்கத்தின் உதயம் அவர்களின் அறப்பணிக்கு மேலும் வலுவூட்டுவதாக அமையும்.

இச்சங்கம் உருப்பெறுவதற்கு வித்திட்டவர் ஜோகூர் மாநில கல்வித்துறை தமிழ்பிரிவின் உதவி இயக்குநர், இரா.விஜயன் அவர்கள். அவர்களுக்கு ஜோகூர் மாநிலத்தில் இடைநிலைப்பள்ளி தமிழாசிரியர்கள் என்றென்றும் கடமைப்பட்டுள்ளனர்.